2023 год быў аб’яўлены Годам міру і стварэння. У вызначаным напрамку вялася работа ў розных адукацыйных установах нашага раёна, у тым ліку і ў Жодзішкаўскай сярэдняй школе. Пра тое, якім быў мінулы год, гутарым з дырэктарам установы Данутай БАЛЫШ.
Жодзішкі: Жыць у міры і ствараць
Татьяна ЛЫСКОВА
27.01.2024
– Якімі важнымі падзеямі запомніўся мінулы год?
– Арганізаваная ў нашай установе работа па прапагандзе нацыянальнай ідэалогіі, міру і суседства дазволіла далучыцца да праекта «Сетка Школ міру ў Рэспубліцы Беларусь» і атрымаць статус «Школа міру». Сёння школа ўзаемадзейнічае з філіялам Муніцыпальнай агульнаадукацыйнай установы «Сярэдняя агульнаадукацыйная школа №1 імя Героя Савецкага Саюза С. І. Гусева» у п. Маякоўскае» (РФ).
– Як у школе арганізавана патрыятычнае выхаванне?
– Ва ўстанове рэалізуецца патрыятычны кластар «Юныя патрыёты сваёй Айчыны». З мэтай фарміравання гатоўнасці да праходжання службы юнакоў ва Узброеных Сілах Рэспублікі Беларусь наладжана супрацоўніцтва са Смаргонскай пагранічнай групай, дзяржаўнай установай адукацыі «Інстытут пагранічнай службы». У гэтым кірунку арганізаваны экскурсіі «Будні вайскоўцаў», «Ад мінулага да сучаснага», майстар-клас «Ёсць такая прафесія – Радзіму абараняць», патрыятычныя канцэрты.
– Ці актыўна школьнікі далучаюцца да турысцка-краязнаўчай дзейнасці?
– Безумоўна. Вучні з ахвотай наведваюць памятныя мясціны і музеі. Усе нашы школьнікі пабывалі на экскурсіях, распрацаваных Валерыем Субоценкам «Халакост на Смаргоншчыне», «Яны змагаліся за Радзіму». Вынікам такой работы стала стварэнне экспазіцыі «Генацыд баларускага народа» ў школьным музеі «Нальшча».
– Ці папаўняюць жодзішкаўскія школьнікі шэрагі грамадскіх аб’яднанняў?
– 100% навучэнцаў з’яўляюцца членамі грамадскага аб’яднання «БРПА» і 97% – членамі грамадскага аб’яднання «БРСМ». Гэта таксама вельмі спрыяе грамадзянска-патрыятычнаму выхаванню нашых вучняў.
Таццяна Лыскова
Фота з архіва рэдакцыі
