У Залессі правялі пазнавальную праграму “Не дай сябе падмануць”
У гэтым мерапрыемстве ўдзельнічалі работнікі ўзгаданай вышэй культустановы, супрацоўнікі райаддзела міліцыі, а таксма вучні Залескіх ясляў-сада-сярэдняй школы.
Напачатку быў паказаны відэаролік пра тое, якое зло нясуць чалавецтву наркотыкі. Потым пачалося абмеркаванне тэмы наркаманіі, у якім удзельнічалі дарослыя і дзеці.
Вядучы мерапрыемства Сяргей Харытон таксама задаваў пытанні, на якія неабходна было даць правільныя адказы. За гэта хлопчыкам і дзяўчынкам уручалі папяровыя жэтончыкі. Усіх іх чакалі салодкія прызы. Цукеркамі з невялічкага кошыка частавала мастацкі кіраўнік Залескага ДК Аксана Ліс.
Супрацоўнікі міліцыі Аляксандр Шчасны і Алег Акуловіч распавялі пра пакаранне за захоўванне, ужыванне і распаўсюджванне наркотыкаў.
А падвяла рысу пад мерапрыемствам і падзякавала ўсім за актыўны ўдзел у ім вядучы спецыяліст раённага Цэнтра культуры Наталля Юркевіч.
Юрый ЯНУШКЕВІЧ.
Фота аўтара.
