Віншуем вас з Днём Перамогі ў Вялікай Айчыннай вайне!
Власть
08.05.2021
9 мая – Дзень Перамогі
Дарагія суайчыннікі!
Сардэчна віншуем вас з Днём Перамогі ў Вялікай Айчыннай вайне!
Гэта гістарычная дата вось ужо 76 год з’яўляецца для нашага народа адной з самых светлых, урачыстых і значных. Мы аддаём даніну глыбокай павагі гераізму і самаадданасці абаронцаў Айчыны, а слаўны подзвіг воінаў і працаўнікоў тылу назаўсёды застанецца ў памяці ўдзячных нашчадкаў.
Беларусь першая прыняла на сябе страшны ўдар ворага, стаўшы жывым шчытом на шляху
вераломнага агрэсара. Разам з брацкімі народамі Савецкага Саюза беларусы самааддана ішлі да доўгачаканай Перамогі.
У гэты святочны дзень самыя цёплыя словы ўдзячнасці нашым ветэранам, якія вынеслі ўвесь цяжар ваеннага ліхалецця.
Мы будзем вечна памятаць і шанаваць імёны мільёнаў тых, хто змагаўся за незалежнасць
Айчыны, хто працаваў, не шкадуючы сіл на шляху да гэтай вялікай мэты.
Шчыра жадаем усім добрага здароўя, шчасця і ўпэўненасці ў заўтрашнім дні.
Раённы выканаўчы камітэт. Раённы Савет дэпутатаў. Раённы савет ветэранаў.
