Смаргонская раённая бібліятэка прапануе навінкі літаратуры

Гісторыя Нацыянальнай бібліятэкі Беларусі неразрыўна звязана з гісторыяй краіны. На старонках фотаальбома “Нацыянальная бібліятэка Беларусі. 100 гадоў” змешчаны фотаздымкі, якія храналагічна адлюстроўваюць важнейшыя падзеі прошлага і сучаснасці галоўнай бібліятэкі нашай краіны.

Кніга раскрывае Нацянальную бібліятэку перад чытачамі, як інфармацыйны і сацыякультурны цэнтр Беларусі. Фотаздымкі выдання дазваляюць нам дакрануцца позіркам да такіх рэдкіх і ўнікальных па сваім значэнні каштоўнасцей нашай краіны, як выданні беларускага першадрукара Францыска Скарыны, прыжыццёвыя выданні Янкі Купалы і Якуба Коласа, кніга з аўтографам Максіма Багдановіча і іншыя.

* * *

Кніга беларускага гісторыка і калекцыянера Уладзіміра Ліхадзедава “Адзінства непераможнага народа” праз фотаздымкі і іншы ілюстрацыйны матэрыял адлюстроўвае тры разбуральныя вайны, якія прайшліся па тэрыторый нашай краіны: Айчынная 1812, Першая сусветная і Вялікая Айчынная вайна. Асаблівую цікавасць на старонках фотаальбома для жыхароў нашага горада ўяўляюць паштоўкі з адлюстраваннем наваколляў Смаргоні ў снежні 1812-га года, фотаздымкі пажара ў вёске Гауті ў 1917 годзе, фотаздымкі тэрыторыі Крэва пасля боя  і выгляду горада Смаргонь у часы Першай сусветнай вайны.

* * *

Унікальны альбом “Народнае мастацтва Беларусі XVI-XXI стагоддзяў” дазваляе пазнаёміцца з каштоўнымі для нашай гісторыі і культуры прадметамі быту і дэкаратыўна-прыкладнога мастацтва, якія былі створаны беларускімі сялянамі і знаходзяцца ў Нацыянальным мастацкім музеі Рэспублікі Беларусь. Прадстаўленыя ў альбоме матэрыялы знаёмяць чытачоў з асаблівасцямі традыцыйнага беларускага касцюма і розных відаў мастацкіх рамёств. Стваральнікі выдання спадзяюцца, што гэта кніга будзе садзейнічаць захаванню і развіццю культурнай спадчыны нашай краіны, а таксама натхніць чытачоў на засваенне традыцыйных беларускіх рамёстваў.

Елена Станевич,

 библиограф ГУК «Сморгонская районная библиотека».