У апошні дзень чвэрці вучні 4-х класаў гімназіі ладзілі дабрачынны кірмаш. Да гэтага “смачнага” мерапрыемства падрыхтаваліся загадзя разам са сваімі бацькамі.
Дабрачынны кірмаш прайшоў у гімназіі
Общество
01.11.2022
Святочна прыбраныя сталы запоўніліся разнастайнымі прысмакамі. Чаго тут толькі не было! І пернікі, і вафлі, і зефір, і булачкі, і грыбочкі, і кветачкі, і пірожнае розных гатункаў, і самаробныя цукеркі-пеўнікі. Нават вочы разляталіся! А які пах быў у гімназіі! Хіба можна ўседзець у класе?!
У вызначаны час на кірмаш з усіх бакоў гімназіі спяшаліся вучні і настаўнікі. Іх сустрэлі скамарохі з ўсмешкамі і жартоўнымі песнямі.
На кірмаш вас запрашаем,
Настрою добрага жадаем!
Кашалёчкі даставайце
І актыўна ўсё купляйце!
Паглядзіце - любата!
Паспрабуйце - смаката!
Да кірмашу гатовы!
І ніхто не прайшоў міма. Наведвальнікі кірмашу спрабавалі вырабы, куплялі, дзякавалі маленькім кандытарам. Колькі шуму, колькі гаму, весялосці было ў гэты дзень! А твары ззялі ад радасці і ў дзяцей, і ў дарослых.
У выніку гэтага мерапрыемства была сабрана пэўная сума. Гэтыя сродкі пералічаны на благачынныя патрэбы.
Прысмакі прапануюць вучні 4 “Б” класа.
У ролі скамарохаў Дар’я Шаблоўская і Міраслаў Пашкевіч.
Святлана Янкоўская, класны кіраўнік 4 Б гімназіі.