Чаму важна правільна харчавацца ў пажылым узросце? Як выбраць правільнае меню? Як здаровы рацыён уплывае на арганізм? Адказы на гэтыя пытанні сталі галоўнымі на сустрэчы-дэгустацыі ў філіяле “Гарадская бібліятэка №1”.
Ежа са смакам здароўя
Культура
10.04.2024
На мерапрыемства, прымеркаванае да Сусветнага дня здароўя, былі запрошаны члены аматарскага аб’яднання “Ліра” і актыўныя пажылыя чытачы. Жанчыны прымалі ўдзел у конкурсе прыказак “Народная мудрость”, адказвалі на пытанні віктарыны “Всё ли вы знаете о кашах?”. Была арганізавана выстава-інсталяцыя “Каша – радость наша”.
Гасцямі сустрэчы сталі маркетолаг Д.Ю. Ізотава і тэхнолаг А.У. Квач унітарнага прадпрыемства “Смаргонскі камбінат хлебапрадуктаў”. Яны правялі дэгустацыю злакавых каш ”Империя злаков”, якія выпускае камбінат, расказалі, што важнай перавагай каш прамысловай падрыхтоўкі з’яўляецца іх узбагачэнне вітамінамі і мікраэлементамі, запрасілі прадэгуставаць прадукцыю.
– Не забывайце аб тым, што каша – гэта не толькі сытная і простая ў прыгатаванні страва, але і вельмі карысная! Жадаеце цэлы дзень і ўсё жыццё быць актыўнымі, бадзёрымі і вясёлымі і дажыць да ста гадоў? З’ешце раніцай талерачку аўсянкі ці грэчкі! І будзьце здаровыя! – падагульніла выступленне работнікаў прадпрыемства вядучая Алена Васілеўская.
Юлія Жук, загадчык аддзела маркетынгу і сацыякультурнай дзейнасці
Смаргонскай раённай бібліятэкі
