Віншаванне Смаргонскага райвыканкама і раённага Савета дэпутатаў з хрысціянскім святам Вялікадня

Сцвярджаючы стваральныя ідэі брацтва і чалавекалюбства, Вялікдзень пабуджае ў людзях імкненне жыць па сумленні, быць спагадлівымі, дапамагаць тым, хто патрабуе клопату. Велікодныя дні нагадваюць пра нязменныя хрысціянскія каштоўнасці, раскрываюць лепшыя якасці чалавечай душы, умацоўваюць мір і згоду ў грамадстве.

Дарагія землякі! Жадаем вам святочнай велікоднай радасці, узнёслага духу, духоўнай і фізічнай моцы, добрага настрою і жыццёвага дабрабыту. Няхай гэты вялікі светлы дзень умацуе веру і надзею, азнамянуе сабой сапраўднае духоўнае адраджэнне сусветнага грамадства на падставе вечных духоўных каштоўнасцей.

Няхай над нашай краінай і ў кожным доме пануе дух дабрыні, спагады, узаемаразумення, справядлівасці і аптымізму. Цёплай і шчаслівай атмасферы ў вашых сем’ях, шчодрасці ў душы, добрага жыццёвага шляху і бясконцай любові!

Раённы выканаўчы камітэт. Раённы Савет дэпутатаў.