У рамках правядзення “Міжнароднага дня роднай мовы” ў дзіцячым садку №4 прайшоў тыдзень роднай мовы.
Тыдзень роднай мовы прайшоў у дзіцячым садку №4
Татьяна ЛЫСКОВА
16.02.2024
На працягу тыдня дзеці размаўлялі на беларускай мове. Для выхаванцаў і іх бацькоў былі арганізаваны розныя мерапрыемствы. Як паведаміла выхавацель дашкольнай установы Алеся Камына, у старэйшых групах было праведзена музычна-літаратурнае мерапрыемства “Магутнае слова, ты роднае слова”, рухомыя гульні “Іванка і Марылька”, “Шэры кот”, “Круг-кола”. Выхаванцы выконвалі танцавальныя кампазіцыі “Чыстая сляза”, “Ручнікі”, на роднай мове гучалі песні “Сена маладое”, “Мая Радзіма”, а таксама беларускія прыказкі і прымаўкі.
Кожны дзень дзяцей знаёмілі з беларускімі народным казкамі, праводзілі драматызацыі па некаторых з іх. Асабліва спадабалася дзецям вечарына “Загадак і адгадак”. На занятках па выяўленчым мастацтве выхаванцы ўпрыгожвалі фартухі беларускім арнаментам, аздаблялі куфэркі і гарлачыкі, малявалі ляльку ў беларускім нацыянальным адзенні.
Да тыдня беларускай мовы далучыліся таксама і бацькі. Пры іх дапамозе папоўніўся старажытнымі прыладамі працы куток “Беларуская хатка”, куды дзеці па чарзе хадзілі на экскурсію. Былі праведзены кансультацыі “Гісторыя беларускай мовы”, “Давайце размаўляць па-беларуску”. Вельмі карыснай была выстава кніг на беларускай мове. Бацькі маглі пазнаёміцца з навінкамі літаратуры, узяць дадому кнігі, каб пачытаць сваім дзецям.
Куток Беларуская хатка
Выкананне песні Сена маладое
Выхаванцы гуляюць ў гульню Гарлачык
Танец з ручнікамі
Упрыгожым фартух
Зайграем нашу польку беларускую
Таццяна ЛЫСКОВА.
