У Лылойцінскім сельскім клубе ўпершыню было зладжана свята сямейнай творчасці.
Фэст сямейнай творчасці прайшоў у Лылойцях
Общество
04.07.2024
Асновай свята стала прадстаўленне трох творчых сем’яў аграгарадка Лылойці: Свірскіх, Мізула-Крушынскіх, Дашкевіч-Саўко. Для гэтага ў чамаданах былі сабраны і прыхаваны “сакрэтныя матэрыялы”, звязаныя з захапленнямі кожнай сям’і.
Сваімі цудоўнымі спевамі ўпрыгожылі Лылойцінскі фэст салісты народнага ансамбля народнай песні “Хутарок”, артысты з Сінькоўскага Дома культуры і Лілія Мураўская. Вясёлымі гульнямі і конкурсамі шматлікіх гледачоў забаўляла Наталля Гізулеўская з Сольскага Дома культуры. Кульмінацыяй свята і нечаканым сюрпрызам для ўсіх стала байкер-шоў.
На працягу свята кожны прысутны меў магчымасць наведаць шыкоўную выставу дэкаратыўна-мастацкай творчасці сваіх землякоў.
Наталля Тапуць,
загадчык філіяла “Лылойцінскі сельскі клуб”.
