Напярэдадні Міжнароднага дня роднай мовы вучні 5Г класа сярэдняй школы №7 наведалі гарадскую бібліятэку №3.
Дакрануліся сэрцам да роднага слова
Общество
20.02.2025
Тут яны сталі ўдзельнікамі круглага стала "Сэрцам роднага слова краніся". Падчас мерапрыемства разам з бібліятэкарамі Ірынай Краўчанка і Валянцінай Насура юныя чытачы адправіліся ў падарожжа па краіне беларускіх кніг.
А яшчэ пяцікласнікі з задавальненнем пагулялі ў інтэрактыўную гульню "Знаўцы роднага слова": з цікавасцю разгадвалі рэбусы, шарады, загадкі. Пераможцы атрымалі цукеркі і памятныя падарункі.
Мерапрыемства запомнілася ўсім. Кожны зразумеў, што трэба любіць і шанаваць родную мову, бо менавіта ў мове захавана гісторыя нашага народа, сіла і краса роднага слова.
Валянціна Лукошка,
настаўнік беларускай мовы і літаратуры СШ 7.
