26 красавіка 1986 года ў 1 гадзіну 23 хвіліны адбыўся выбух на Чарнобыльскай атамнай электрастанцыі, які ўзбударажыў увесь свет. Гэта адна з самых страшных экалагічных катастроф. Адбылася трагедыя…
Чарнобыль – наша боль і памяць
Общество
27.04.2024
У Асінаўшчызненскай пачатковай школе сярод навучэнцаў прайшлі інфармацыйныя гадзіны на тэму Чарнобыльскай аварыі.
Пасля прагляду відэароліка дзеці даведаліся пра разбурэнне рэактара чацвёртага энергаблока Чарнобыльскай атамнай электрастанцыі, размешчанай каля горада Прыпяць. Пасля пазнаёміліся з пажарнымі, якія ўступілі ў няроўны бой са стыхіяй. Цаной свайго жыцця яны прадухілілі радыяцыйную катастрофу планетарнага маштабу. Дзеці былі вельмі ўражаны сілай, мужнасцю і адвагай ліквідатараў катастрофы. Чыталі вершы, прысвечаныя дадзенай трагедыі. Падзяліліся сваімі эмоцыямі і пачуццямі, якія ў іх узніклі пры слове Чарнобыль. У канцы хвілінай маўчання ўшанавалі памяць герояў.
У нашай памяці назаўжды застанецца Чарнобыльская катастрофа, як папярэджанне чалавецтву. Чарнобыль – мы абавязаны ведаць і помніць…
Аксана Страх,
настаўнік пачатковых класаў Асінаўшчызненскай пачатковай школы
