На адзіным уроку “Аб чым звоняць званы Хатыні”, які быў праведзены ў 4 класе Асінаўшчызненскай пачатковай школы ў дзень 80-й гадавіны хатынскай трагедыі, навучэнцы даведаліся пра генацыд беларускага народа ў гады Вялікай Айчыннай вайны.
У Асінаўшчызненскай пачатковай школы прайшоў урок памяці
Общество
23.03.2023
У пачатку ўрока дзеці разглядалі фотаздымкі перыяду Вялікай Айчыннай вайны. Яны ўспомнілі, што першы ўдар ворага прынялі воіны Брэсцкай крэпасці. Думкамі перанесліся ў мінулае, у дзень 22 чэрвеня 1941 года.
Затым вучні здзейснілі віртуальную экскурсію па гісторыка-мемарыяльным комплексе “Хатынь”. Адразу спыніліся каля бронзавай скульптуры “Непакорны чалавек” і пазнаёміліся з успамінамі Іосіфа Камінскага. Потым убачылі чорныя гранітныя пліты – увекавечанае месца спалення жыхароў Хатыні. Загінулі там 149 чалавек – дарослыя і дзеці. Іх рэшткі пахаваны ў брацкай магіле. З вялікай цікавасцю і здзіўленнем хлопчыкі і дзяўчынкі слухалі пра тое, што ў Хатыні знаходзяцца могілкі спаленых вёсак.
Наступнымі былі прыпынкі “Дрэвы жыцця” і “Вечны агонь”. Навучэнцы прачыталі верш Васіля Жуковіча “Бусел над Хатынню” і ўрывак з верша Міколы Чарняўскага “За ўсё мы ўдзячны ім”. Чацвёртакласнікі запалілі лампадку і ўшанавалі памяць усіх загінуўшых хвілінай маўчання.
Пасля экскурсіі дзеці выразалі з паперы маленькія званочкі і напісалі на іх свае ўражанні. Падводзячы вынік урока, працавалі ў парах і складалі сінквейн са словам “Хатынь”. Зрабілі выснову: мы шчаслівыя, што жывём пад мірным небам, не бачым вайны.
Генацыд беларускага народа у гады ВАВ.
У час адзінага ўрока.
Наталля Паржон,
настаўнік пачатковых класаў Асінаўшчызненскай пачатковай школы.