“Будзем саракі святкаваць, ды вясну заклікаць”

На дзіцячай пляцоўцы сабраліся выхаванцы сярэдніх груп, каб вясну прывітаць, песні заспяваць, у гульні пагуляць. Педагогі стараюцца з маленства далучаць дзяцей да адраджэння нацыянальнай культуры і нацыянальнай самасвядомасці. Важнае месца ў гэтым належыць фальклору - асноўнаму мастацкаму багаццю нашых продкаў, дзякуючы якому захоўваецца пераемнасць традыцый, ажыццяўляецца сувязь пакаленняў і бесперапыннасць духоўнага развіцця выхаванцаў.

Наш беларускі народ багаты традыцыямі і ў нашых сілах зрабіць так, каб зацікавіць дзетак да народнай творчасці  праз  фальклорныя святы. Напярэдадні свята, каб вясну загукаці, выхавацелі разам з рабятамі рыхтаваліся загадзя: рабілі птушачак з цеста, з паперы,  вучылі вершы, песні-заклічкі: “Ой, вясна”, “Жавароначкі прыляціце”. З задавальненнем удзельнічалі ў народных гульнях: “Прыляцелі птушкі”, “Божая кароўка”, “Барада”, “Жмуркі”, якія падрыхтавала дзецям Вясна. Ёсць такое павер’е - калі развесіць стужачкі, то прылятуць птушачкі і яны прынясуць дабрабыт і шчасце ўсім. Так, выхаванцы разам з дарослымі ўпрыгожылі дрэўцы каля дзіцячага сада.  Па традыцыі свята Саракі дзяцей пачаставалі салодкімі прысмакам. Выхаванцы  атрымалі шмат станоўчых эмоцый, а таксама зацікавіліся культурай беларускага народа. Забава атрымалася вясёлая і пазнавальная.

Войтка Дзімітрый упрыгожвае сваю птушачку.

Выхаванцы рыхтуюцца да свята Саракі.

Вясна прыгатавала салодкія пачастункі.

Удзельнікі свята.

Кацярына ПАБЫЛОЎСКАЯ,

выхавацель ДУА “Дзіцячы сад №4 г. Смаргоні”,

Святлана РАЙБЕ,

музычны кіраўнік ДУА “Дзіцячы сад №4 г. Смаргоні”.