23 лютага краіна святкавала Дзень абаронцаў Айчыны. Традыцыя перайначылася і склалася так, што віншаваць у гэты дзень сталі не толькі вайскоўцаў, але і ўсіх мужчын, і нават хлопчыкаў.
Ёсць такая прафесія – Радзіму абараняць!
Общество
28.02.2023
У філіяле “Гарадская бібліятэка №1” быў арганізаваны армейскі палігон “Салдатам быць – Радзіме служыць”, які на працягу дня наведалі чытачы-мужчыны рознага ўзросту. Старэйшыя вучні прынялі актыўны ўдзел у мазгавым штурме “Салдацкая кемлівасць”, малодшыя наведвальнікі з вялікім энтузіязмам складалі пазлы ў конкурсе “Разведчыкі”, прымалі ўдзел у майстар-класе па вырабу самалёцікаў з паперы і апрабоўвалі іх на “лётным полі”. Увагу чытачоў прыцягнуў калаж “Салдацкі чамаданчык”. На выставе былі прадстаўлены не толькі прадметы армейскага быту, але і фотаальбом салдата 80-х гадоў.
У філіяле “Гарадская бібліятэка №2” на гадзіне мужнасці “Свята сапраўдных мужчын” школьнікі праверылі свае здольнасці: кемлівасць, спрыт, эрудыцыю і знаходлівасць. Падчас гульні “Перастрэлка” ім прыйшлося на абстрэл пытаннямі адстрэльвацца хуткімі адказамі. У заданні “Данясенне” хлопцы паказалі сваю ўважлівасць і вывучылі на памяць тэкст разведкі. Заданне “Салдацкі боршч” паказала здольнасці хлопцаў у кулінарыі.
У філіяле “Раённая дзіцячая бібліятэка” перад юнакамі на ўроку мужнасці “Ёсць такая прафесія – Радзіму абараняць!” выступіў начальнік аддзела ідэалагічнай работы і ўліку асабовага складу Інстытута пагранічнай службы Рэспублікі Беларусь падпалкоўнік Вадзім Шалік. Школьнікі задавалі яму пытанні пра службу ў арміі, вучобу ў Інстытуце пагранічнай службы, а таксама даведаліся пра воінскія званні і працоўныя будні ваеннаслужачых.
Юлія ЖУК, загадчык аддзела маркетынгу і
сацыякультурнай дзейнасці
Смаргонскай раённай бібліятэкі.
