Любоў да Айчыны пачынаецца з любові да сваёй малой радзімы - месца, дзе чалавек нарадзіўся. Малая радзіма і ёсць выток, пачатак, адкуль чалавек робіць першы крок у вялікі свет. З роднага кутка зямлі і пачынаецца наша Беларусь, грамадзянамі якой мы з'яўляемся. Сёння сам час патрабуе звярнуцца да сваих вытокаў, далучыць дзяцей да беларускай нацыянальнай культуры, паглыбляць знаёмства з родным краем, беларускімі традыцыямі, фальклорам, прывіваць пачуццё грамадскасці, любоў да Радзімы.
Міні-куток “Беларуская хатка” створан у ДУА “Сольскі дзіцячы сад”
Общество
30.01.2023
Народная мудрасць тлумачыць: не ведаючы мінулага, не зразумееш і сучаснасці…
Варта далучаць дзяцей да народнай мудрасці, фарміраваць цікавасць і павагу да бацькоўскай спадчыны, гісторыі і культуры беларускага народа, роднай мовы.
Для таго, каб рашыць асноўныя задачы па замацаванню патрыятычнага стаўлення да рэчаіснасці у дашкольнай установе адукацыі “Сольскі дзіцячы сад” было створана прадметна-развіваючае асяроддзе ў выглядзе міні-кутка “Беларуская хатка”.
З яго дапамогай праводзяцца заняткі па “Развіцці маўлення і культуры маўленчых зносін”, “Дзіця і грамадства”, “Мастацкай літаратуры”, дзе выхавальнікі знаёмяць дзяцей з традыцыямі і святамі беларускага народа.
Беларусы – народ працавіты. Каб забяспечыць сябе адзеннем, трэба было вырасціць лён, апрацаваць яго, выткаць палатно. Выхаванцы нашай установы даведаліся аб гэтай традыцыі, завітаўшы ў госці да цёткі Ганны на вячоркі. Дзеці з задавальненнем гулялі ў гульні з цёткай Ганнай, спявалі беларускія прыпеўкі, танцавалі з ручнікамі.
Такія адмысловыя заняткі даюць магчымасць бліжэй пазнаёміцца з вырабамі народных майстроў, народнай цацкай, прадметамі быту сваіх продкаў, беларускім нацыянальным адзеннем.
Кожны год у нашай установе праходзяць фальклорныя Святы “Шчодрыя Каляды завіталі ў нашу хатку", “Запрашаем на Вячоркі”, “Гуканне вясны”, “Масленіца,”"Светлае свята Вялікадня”, “У пошуках папараць-кветкі”, “Дажынкі”.
Вынікам праведзенай працы па патрыятычнаму выхаванню ва ўстанове стала традыцыйнае, самабытнае, беларускае свята “Вячоркі”, дзе выхаванцы паказалі быт, захапленні, забавы сялян.
Удзельнікі мерапрыемства з захапленнем і дакладнасцю увасобілі культуру мінулага праз сучасныя формы працы.
Жанета НАЙДЗІЧ,
выхавальнік дашкольнай адукацыі
ДУА “Сольскі дзіцячы сад”.