Так могуць сказаць вучні ДУА “ВПК Жодзішкаўскі яслі-сад - сярэдняя школа”, якія ў час восеньскіх канікул прынялі ўдзел у розных цікавых і займальных мерапрыемствах. Цудоўнае надвор’е дало магчымасць ажыццявіць пазнавальныя экскурсіі па родным краі: гаспадарчыя пабудовы нашых продкаў, крыніцы Віліі ўздоўж Жодзішак па слядах патрыятызму ветэранаў ВАВ.
Канікулы на карысць
Общество
08.11.2021
Юныя экскурсаводы-даследчыкі сабралі цікавы матэрыял для школьнага музея “Нальшча”: фотаздымкі гаспадарчых пабудоў, успаміны ветэранаў ВАВ, а таксама задумалі допраўпарадкаваць крынічку. Штодзённа на школьным стадыёне праходзілі спартыўныя святы і спаборніцтвы. Удзельнікі школьнага валанцёрскага атраду “Неабыякавыя сэрцы” ажыцяўлілі працоўны дэсант па дапамозе сваякам, якія пражываюць адны.
Падчас канікул у школе з’явілася цікавая выстава “Вясёлыя забавы”. Удзельнікі гурткоў прадставілі вырабы з бісеру, прыродных матэрыялаў, арыгамі.
У Жодзішкаўскім Доме культуры прайшлі гульнёва-забаўляльная праграма “Кошык весялосці” і “Рознакаляровыя гульні”. Удзельнікі фальклорна-ўзорнага гуртка “Нальшчаначка” падрыхтавалі новую праграму “Напевы нашых бабуль і дзядуль”.
Ганна Цыбульская.