З трапятаннем у сэрцы, з усмешкай на вуснах – менавіта так спяшаюцца ў школу першакласнікі Назар і Захар Крукоўскія. Сёння для іх празвінеў першы школьны званок. Браты старанна рыхтаваліся да школы, цэлы год наведвалі заняткі, якія праводзіліся па суботах у СШ №7, а дома з мамай замацоўвалі веды.
Першы званок кліча нас на ўрок
Общество
01.09.2021
“За год дзеці многаму навучыліся: чытаць, пісаць, лічыць, кажа мама двайнятак Юлія. Заняткі, якія праводзіла Аксана Васільеўна Маісеенка, яны вельмі палюбілі. Часам я прапаноўвала зрабіць перадышку, не пайсці ў школу, але хлопцы ніколі не згаджаліся з маёй прапановай. Нават прасіліся, каб адвяла на заняткі. Нашай настаўніцай будзе Аксана Васільеўна. Хлопчыкі яе добра ведаюць, таму школы зусім не баяцца”. “Сапраўды хочаце ў школу?” – цікаўлюся ў хлопчыкаў. “Так!” – у адзін голас усклікаюць браты Крукоўскія.
Як адзначыла намеснік начальніка ўпраўлення адукацыі райвыканкама Аксана Мінкоўская, на Смаргоншчыне сёлета за парты сеў 591 першакласнік. Для 228 адзінаццацікласнікаў гэты навучальны год стане фінальным.
Галіна АНТОНАВА.
Фота аўтара.
