Дарагія жанчыны Смаргоншчыны!
Общество
08.03.2021
Віншую вас з першым святам вясны – 8 Сакавіка!
Усё лепшае ў свеце – ад жанчын, і мы штодня маем магчымасць упэўніцца ў гэтым. Нашы клапатлівыя матулі, пяшчотныя жонкі, любячыя сёстры і дочкі, адказныя калегі дапамагаюць мужчынам спраўляцца з самымі складанымі справамі і праблемамі. Нашы жанчыны – цудоўныя прафесіяналы, якія могуць паспяхова выканаць любую работу; пераважна на іх плячах ляжыць выхаванне дзяцей у сем’ях і навучальных установах; яны ўпрыгожваюць наш свет усмешкамі, прыгажосцю, пяшчотай.
Мілыя жанчыны! Шчыра жадаю, каб вы атрымлівалі прыемныя сюрпрызы, былі ахутаны клопатам і ўвагай мужчын не толькі 8 Сакавіка, а ў кожны са 365 дзён года.
Здароўя вам і вашым блізкім, радасці, шчасця і дабрабыту. І няхай у вашых душах заўсёды пануе вясна!
Віктар СВІЛА,
дэпутат Палаты прадстаўнікоў
Нацыянальнага сходу Рэспублікі Беларусь.
