Адзіны дыктант «Ганаруся Бацькаўшчынай»

Тэкст дыктанта цудоўны, бяздонны, напоўнены глыбінёй, прыгажосцю і пяшчотай да роднай зямлі. Ён вучыць паважаць Радзіму, размаўляць з прыродай, заклікае чалавека да ўсведамлення сваёй сапраўднай ролі на Зямлі. Галоўнай мэтай праекта стала  далучэнне падрастаючага пакалення да вывучэння роднай мовы. 

Вызначыць самага актыўнага ўдзельніка праекта аказалася няпроста. Юнакі і дзяўчаты лічаць, што ведаць родную мову павінен кожны беларус. Асаблівых цяжкасцей з напісаннем дыктанта ні ў каго не было, бо ўстанова наша беларускамоўная. Па выніках праведзенага мерапрыемства пераможцай стала  Багдановіч Валерыя, навучэнка VIII класа, якая  атрымала прыз ад раённай арганізацыі грамадскага аб'яднання "Беларускі рэспубліканскі саюз моладзі".