Шчодрай восені дары
Общество
20.11.2020
Як заўважыў калісьці ў сваім вершы слынны паэт з сусветным імем Адам Міцкевіч, апошняя кветачка восені прыносіць больш задавальнення, чым сотні летніх букетаў. Вось і ўдзельнікі нашага конкурсу атрымліваюць радасць і дзеляцца ёю, назіраючы за апошнімі восеньскімі падарункамі.
Антон Мальшэўскі, напрыклад, у мінулыя выхадныя назбіраў у лесе пад Дзевятнямі кошык лісічак, зрэдзь часу траплялі яму і зялёнкі з падзялёнкамі.
А Сяргей Гіль з вуліцы Трактарнай у сярэдзіне кастрычніка назбіраў апенек на ўласным агродзе. Не трэба ў лес далёка хадзіць.
Экзатычная кветка з сямейства паслёнавых пад назвай бругмансія квітнела сёлета два разы ў доме і два разы на вуліцы ў аматаркі кветак Зоі Раінік. Жанчына вырошчвае жоўтую і белую бругмансію. Упершыню за восем гадоў так пышна квітнела гэта цудоўная кветка: жоўтая – ажно чатыры разы, нават зімой, а белая - увесь кастрычнік.
Ала СТРАШЫНСКАЯ.
