Журналісты наведалі смаргонскі лесагадавальнік
Общество
05.03.2020
5 сакавіка ўдзельнікі прэс-тура, сярод якіх былі журналісты абласных і рэспубліканскіх сродкаў масавай інфармацыі, наведалі Смаргонь. Яны пабывалі на некалькіх аб’ектах, у тым ліку ў лесагадавальніку Смаргонскага доследнага лясгаса.
Гасцей прывіталі дырэктар гэтай лясной гаспадаркі Аляксандр Шостак, яго намеснік па ідэалагічнай рабоце Андрэй Пятроўскі і начальнік лесагадавальніка Аляксей Грышкевіч.
Пасля кароткай інфармацыі аб лясгасе пачалася экскурсія па лесагадавальніку. Журналістам паказалі цяпліцы, дзе вырошчваецца пасадачны матэрыял, правялі да ўчасткаў, дзе пасаджаны дэкаратыўныя расліны. Аляксей Францавіч адказаў на пытанні, якія цікавілі прадстаўнікоў мас-медыя.
Напрыканцы экскурсіі старшыня раённага Савета дэпутатаў Сяргей Кудзеньчук і намеснік дырэктара лясгаса Андрэй Пятроўскі ўручылі гасцям падарункі.
Юрый ЯНУШКЕВІЧ.
Фота аўтара.