Зямлю з воінскіх пахаванняў узялі ў Крэўскім сельсавеце
Общество
11.10.2019
Старшыня раённага савета ветэранаў Уладзімір КАСАКОЎСКІ (справа) апавядае вучням аб акцыі памяці “У славу агульнай Перамогі”.
У рамках міжнароднай акцыі памяці “У славу агульнай Перамогі”, якая праходзіць пры падрыхтоўцы да святкавання 75-годдзя Перамогі савецкага народа ў Вялікай Айчыннай вайне, у нашым раёне збіраюць зямлю з месцаў пахавання воінаў і партызан ў мяшочкі, каб потым перасыпаць ў спецыяльную капсулу. Яе змесцяць 9 мая 2020 года ў крыпту Храма-помніка Усіх Святых, што знаходзіцца ў Мінску. Такім чынам будуць аб’яднаны ў народнай памяці ўсе, хто змагаўся плячом да пляча, здабываючы агульную перамогу ў Вялікай Айчыннай вайне.
Узяцце зямлі на месцы пахавання савецкіх салдат у вёсцы Баярск.
11 кастрычніка група, у якую ўвайшлі старшыня раённага савета ветэранаў Уладзімір Касакоўскі, старшыня Крэўскага сельвыканкама Віктар Дзятчык, першы сакратар раённай арганізацыі грамадскага аб’яднання “БРСМ” Таццяна Гетмановіч, настаўнікі і вучні Крэўскай сярэдняй школы, ва ўрачыстай абстаноўцы ўзяла зямлю з месцаў пахавання ў вёсках Баярск і Крыўск, з магілы падпольшчыка і партызана Аляксандра Камінскага ў аграгарадку Крэве.
Старшыня Крэўскага сельвыканкама Віктар ДЗЯТЧЫК завязвае мяшочак з зямлёю.
На магіле партызана і падпольшчыка Аляксандра КАМІНСКАГА ў Крэве.
З мяшочкам зямлі - першы сакратар раённай арганізацыі БРСМ Таццяна ГЕТМАНОВІЧ.
На месцы воінскага пахавання ў вёсцы Крыўск.
Юрый ЯНУШКЕВІЧ.
фота аўтара.
