Гераіня пасяджэння “Майстры Смаргончышы” – Ірына Маеўская

Галоўнай гераіняй сустрэчы стала Ірына Маеўская, майстар па лозапляценні з вёскі Арэхаўка. Гэтым відам творасці Ірына Віктараўна захапілася, калі пайшла на льготную пенсію. Займалася на курсах у майстра Сяргея Барташэвіча.

- Пасля пяцідзесяці гадоў у маім жыцці з’явілася лаза. Не адразу мне гэты матэрыял падпарадкаваўся. Не ўсё атрымлівалася, як хацелася б, але я была стараннай вучаніцай, - усміхаецца Ірына Маеўская. – На занятках пляла, дадому прыходзіла і таксама шчыравала. Увесь час хацелася нешта новае ствараць”.

Дванаццаць гадоў Ірына Віктараўна сябруе з лазой. Кошыкі рознай велічыні, карзінкі, хлебніцы, падносы, цукерніцы, вазы… З гадамі рэчы, створаныя майстрыхай, станавіліся больш далікатнымі. Жанчына – пастаянная ўдзельніца не толькі смаргонскіх раённых святаў. Са сваімі работамі яна пабывала ў горадзе Гродна і ледзь не ва ўсіх раённых цэнтрах вобласці на галоўных брэндавых святах. 

Некаторыя свае творы Ірына Віктараўна прэзентавала на сустрэчы, расказвала і  шчыра дзялілася з прысутнымі сакрэтамі лозапляцення. Некаторыя ўдзельнікі таксама паспрабавалі свае сілы плесці невялікі кошык. Нават народны майстар па лозапляценні Аляксандр Мускі, які прысутнічаў на паседжанні, хваліў работы гераіні і прызнаўся, адкрыў для сябе некаторыя невядомыя дагэтуль нюансы лозапляцення. 

Таццяна Зеновіч, загадчыца раённага Дома рамёстваў, зазначыла, што пасяджэнні аматарскага аб’яднання “Майстры Смаргоншчыны” ладзяцца двойчы ў месяц. На кожным з іх – адзін майстар расказвае пра сябе, прадстаўляе свае работы і праводзіць майстар-клас”.

Галіна АНТОНАВА.

Фота аўтара

Статьи по теме:

Не получилось летать в небе, пригодился на земле

27.10.24

Там, дзе гучаць паланэзы

21.09.24

Дом на колёсах – своими руками

20.09.24