Смаргонскія абаранкі – на абласных “Дажынках”
Культура
23.09.2023
Цэнтр Зельвы гудзе, як вулей, з самага рання. Працуюць падворкі ўсіх раёнаў Гродзеншчыны "Кірмаш святаў”. Тэматычныя экспазіцыі і фотазоны. Песні, танцы, гульні, прысмакі.
Падворак Смаргонскага раёна прысвечаны смаргонскім абаранкам. Прывабліваюць розныя па памерах скульптуры. Але нават не яны найбольш уражваюць усіх, хто заходзіць на смаргонскі падворак. А той факт, што на палетках Смаргоншчыны растуць не толькі пшаніца, авёс і іншыя культуры, але і… абаранкі. Тут можна атрымаць абаранкавы прыз, які “схаваўся” ў зерні, а таксама пагуляць у абаранкавае “Поле цудаў”. Музычныя кампазіцыі дораць гасцям свята народныя калектывы “Хутарок” і “Вечарынка”.
Фото "Пул 4 Регион".
Таццяна ЛЫСКОВА.
Фота аўтара.