Раённага свята “Табе ўдзячнасць і павага, шаноўны працаўнік сяла!” адбылося 14 лістапада ў раённым Цэнтры культуры

Урачыста і ўзнёсла. Мора апладысментаў, кветак, узнагарод і падарункаў – усё гэта падрыхтавалі тым, хто круглы год шчыруе ў сельскагаспадарчай галіне.

14 лістапада ў раённым цэнтры культуры адбылася ўрачыстасць, прымеркаваная да Дня працаўнікоў сельскай гаспадаркі і перапрацоўчай прамысловасці.

Літаральна з парога гасцей вітаў ансамбль “Бліскавіца”( выкладчыкі Залескай ДШМ), а ў тэматычных фотазонах віноўнікі ўрачыстасці рабілі фота на памяць.  

Свята ў глядзельнай зале распачалося тэатралізаванай кампазіцыяй “Як артыстаў выбіралі…”. Работнікі РЦК і сельскіх ДК у чарговы раз прадэманстравалі выдатныя артыстычныя здольнасці – і адразу настроілі прысутных на мажорны лад.

Дадаў узнёсласці святу заслужаны калектыў Рэспублікі Беларусь, дзяржаўны акадэмічны ансамбль танца.

“Нам хочацца, каб самыя сардэчныя і ўдзячныя віншаванні сёння пачулі ўсе, хто на зямлі-карміцельцы жыве не проста назіральнікам, а сваімі рукамі песціць кожны колас для хлеба нашага надзённага. Мы хочам, каб людская ўдзячнасць закранула тых, хто ў цяжкай працы гадуе жывёлу, апрацоўвае на магутных машынах зямлю, імкнецца даць нам хлеб і да хлеба.

Мы ўдзячны і вам, работнікі перапрацоўчай прамысловасці, хто ўмее стварыць смачныя прадукты, гатовыя да ўжытку”, - гэтымі словамі вядучыя распачалі ўрачыстае ўшаноўванне гасцей.

Пасля на сцэну запрасілі кіраўнікоў гаспадарак, старшыню Смаргонскага раённага Савета дэпутатаў Сяргея Кудзеньчука, першага намесніка старшыні райвыканкама, начальніка ўпраўлення сельскай гаспадаркі і харчавання Сяргея Мядзвецкаса і  ўручылі ім караваі, спечаныя са збожжа новага ўраджаю.

Сяргей Тадэвушавіч падвёў вынікі сельскагаспадарчага года.

Ганаровай граматай Гродзенскага абласнога выканаўчага камітэта ўзнагародзілі Марыю Белаус, загадчыцу фермай КСУП “АграСолы”.  Падзякай старшыні Гродзенскага аблвыканкама – Ганну Яновіч, аператара машыннага даення філіяла “Жодзішкі”. Падзякі Міністра сельскай гаспадаркі і харчавання Рэспублікі Беларусь атрымалі Галіна Аўгусціновіч, начальнік камбікормавага цэха КХП, і Алеся Сяргей, галоўны бухгалтар КСУП “Саўбел 2016”.

Былі ўзнагароджаны пераможцы і прызёры абласных спаборніцтваў. Па племянной справе: 3 месца – КУП “Смаргонская райплемстанцыя”, сярод  райветстанцый: 2 месца – ДУ “Смаргонская райветстанцыя”.

 Сярод заатэхнікаў-селекцыянераў сельгасарганізацый: 2 месца – Любоў Дудзінская, філіял “Жодзішкі” КХП. Сярод тэхнікаў па штучным асемяненні жывёлы: 1 месца – Раман Балаба, філіял “Жодзішкі” КХП.

Сярод экіпажаў камбайнераў зернеўборачных камбайнаў: 1 месца – Аляксандр Яроўскі і Віктар Каралёў, філіял “Жодзішкі” КХП.

 Сярод камбайнераў кормаўборачных камбайнаў – Віталь ФЕЛІЎ, КСУП “АграСолы”. Сярод вадзіцелей на адвозцы кармоў – Дзмітрый Грышан, КСУП “АграСолы”.  

Дзесяць чалавек атрымалі ганаровыя граматы ад Смаргонскага райвыканкама і дзесяць – падзячныя пісьмы старшыні райвыканкама.

Яшчэ тры ўзнагароды былі ўручаны ад Смаргонскага раённага Савета дэпутатаў.

Былі таксама ўзнагароджаны пераможцы на сяўбе зерневых і зернебабовых культур, на перадпасяўной падрытоўцы глебы,  на сяўбе цукровых буракоў, кукурузы, на ўнясенні вадкіх мінеральных удабрэнняў і ахове раслін.

Ушанавалі пераможцаў раённага спаборніцтва на нарыхтоўцы кармоў.

1 месца – КСУП “АграСолы”, 2 месца - філіял “Жодзішкі”, 3 трэцяе – КСУП “Сінькі”. 

Былі адзначаны лепшыя працаўнікі, якія шчыравалі на “зялёным жніве”. 

Узнагароды атрымалі і лепшыя працаўнікі жывёлагадоўчай галіны.  

Падвялі вынікі спаборніцтва зімова-стойлавага перыяду ўтрымання буйной рагатай жывёлы сярод сельскагаспадарчых прадпрыемстваў раёна. 1 месца – КСУП “АграСолы”, 2 месца – філіял “Жодзішкі”, 3 месца ВКУП “Саўгас “Смаргонскі”. Кіраўнікі гэтых гаспадарак засталіся на сцэне, бо ў такім жа парадку яны атрымалі ўзнагароды ў спаборніцтве сярод сельскагаспадарчых арганізацый па выніках работы за летне-пашавы перыяд.

Кульмінацыяй свята стала ўручэнне пераходных прызоў былых старшынь калгасаў: Пятра Міхайлавіча Карнея – у галіне раслінаводства і Міхаіла Мінавіча Крутаўцова – у галіне жывёлагадоўлі. Абодва прызы атрымала КСУП “АграСолы”.

Былі вызначаны і пераможцы ў намінацыі “Лепшы па прафесіі”. Больш за 40 дыпломаў уручылі.  

Узнагароды маладым  працаўнікам сельскай гаспадаркі, якія дабіліся значных працоўных дасягненняў у 2020  годзе ўручыла   першы сакратар Смаргонскага раённага камітэта ГА “Беларускі рэспубліканскі Саюз моладзі”  Кацярына Цялега.  

Іх былі ўдастоены Аляксандр Лукашэвіч, намеснік дырэктара па жывёлагадоўлі ВКУП “Саўгас Смаргонскі”, і Альберт Мізула, вядучы спецыяліст па кормавытворчасці філіяла “Жодзішкі” КХП.

Узнагароды ад раённага аддзялення грамадскага аб’яднання “Белая Русь” падрыхтавала Святлана Паючэнка. Ад раённага Смаргонскага раённага аб'яднання прафсаюзаў - яго старшыня Вікенцій Найдзіч.  

Шэраг узнагарод было ўручана ад Гродзенскага абкама прафсаюза работнікаў АПК і райкама прафсаюза работнікаў АПК.

Галіна АНТОНАВА.

Фота аўтара і Дзяніса ЯРОЎСКАГА.