Все новости

На тэрыторыю завода адразу ж прыехалі пажарныя аўтамашыны райаддзела па надзвычайных сітуацыях. Адны ратавальнікі кінуліся тушыць ачаг загарання, іншыя пачалі выводзіць і выносіць пацярпелых людзей з умоўнага ачага паражэння. Іх прымалі медработнікі з аддзялення хуткай дапамогі ЦРБ.

Неўзабаве на заводскай тэрыторыі з’явіліся спецыялісты газавай службы і супрацоўнікі міліцыі. У іх на вучэннях былі свае задачы.

Пацярпелых людзей на аўтамабілях хуткай дапамогі даставілі ў цэнтральную раённую бальніцу, размеркавалі па аддзяленнях у залежнасці ад таго, якія хто атрымаў пашкоджанні падчас надзвычайнага здарэння на малаказаводзе.

Потым былі падведзены вынікі комплексных вучэнняў.

Юрый ЯНУШКЕВІЧ.

Фота аўтара.