Все новости

Удзельнікаў спаборніцтваў прывітаў загадчык сектара спорту і турызму райвыканкама Аляксандр Лобан. Ён павіншаваў жынчын з надыходзячым святам, пажадаў поспехаў камандам.
Першым спартыўным практыкаваннем было кіданне мяча ў баскетбольнае кальцо. Пасля гэтага ўдзельнікі спаборніцтваў паспрабавалі свае сілы ў дартсе. А потым пачалася эстафета. Таты, мамы і  іх дзеці бегалі, збіралі і раскладвалі кубікі, скакалі ў мяшках, перакульваліся на матах і г. д. А дзеці яшчэ павінны былі з папяровых квадрацікаў з літарамі скласці слова “мама”. Прычым, для таго, каб перамагчы, усё гэта трэба было рабіць як мага хутчэй.

Для мам быў асобны конкурс. Ім неабходна было мячыкам збіць расстаўленыя на адлегласці кеглі. Не ўсім гэта ўдалося зрабіць, але некаторыя жанчыны аказаліся трапнымі.
Журы падвяло вынікі спаборніцтваў. Пераможцу і прызёрам былі ўручаны граматы і каштоўныя падарункі – дзіцячыя каляскі ў выглядзе веласіпедзікаў. Астатнія сем’і атрымалі граматы і торты.
Потым было фота на памяць.

Юрый ЯНУШКЕВІЧ.
Фота аўтара.