“Знайсці сябе” – так называецца чарговая кніга журналісткі газеты “Светлы шлях”, члена Саюза пісьменнікаў Беларусі Галіны АНТОНАВАЙ. З гэтай нагоды Смаргонская раённая бібліятэка правяла прэзентацыю новага выдання. Урачыстая імпрэза адбылася ў раённым Цэнтры культуры. 25 нарысаў – 25 цікавых сустрэч з людзьмі, якія знайшлі сябе ў гэтым складаным і мітуслівым жыцці, якія ўпэўнена, год за годам, ішлі да сваёй мэты. Большасць нарысаў, якія змешчаны ў кнізе, – вынік аўтарскага праекта “Сіла стварэння”...