Паважаныя работнікі бібліятэк!
Віншуем вас з прафесійным святам - Днём бібліятэк!
15 ВЕРАСНЯ - ДЗЕНЬ БІБЛІЯТЭК
ОФИЦИАЛЬНО
15.09.2023
Сёння мы назіраем устойлівы рост значнасці і важнасці інфармацыйных працэсаў ва ўсiх сферах жыцця. У сувязі з гэтым расце і роля бібліятэк, як цэнтраў пошуку, апрацоўкі і захоўвання інфармацыі.
Перакананы, што ваш высокі прафесіяналізм і бясцэнны вопыт будуць, як і раней, садзейнічаць далучэнню жыхароў раёна да скарбніцы сусветнай культуры, да багатай гістарычнай спадчыны роднага краю, выхаванню ў падрастаючага пакалення лепшых маральных якасцей.
Ад усёй душы жадаем вам моцнага здароўя, дабрабыту, новых творчых дасягненняў, смелых праектаў, любові і ўдзячнасці вашых чытачоў. Хай ваша праца захавальнікаў чалавечай мудрасці заўсёды карыстаецца заслужанай павагай у грамадстве і знаходзіць годны водгук у
людскіх сэрцах!
Раённы выканаўчы камітэт.
Раённы Савет дэпутатаў.