Інфармацыйна-прапагандысцкая група наведала малаказавод
Юрий ЯНУШКЕВИЧ
21.02.2020
У адзіны дзень інфармавання насельніцтва інфармацыйна-прапагандысцкая група, якую ўзначальвае старшыня раённага Савета дэпутатаў Сяргей Кудзеньчук, сустрэлася з працоўным калектывам перапрацоўчага прадпрыемства “Смаргонскія малочныя прадукты філіял ААТ “Лідскі малочна-кансервавы камбінат”.
На парадак дня былі вынесены тры асноўныя пытанні.
Аб выніках сацыяльна-эканамічнага развіцця Гродзенскай вобласці ў 2019 годзе і перспектывах развіцця ў 2020 годзе прысутных праінфармавала намеснік начальніка ўпраўлення эканомікі, гандлю і паслуг райвыканкама Вольга Богма.
Першы намеснік начальніка райаддзела міліцыі Іван Руткоўскі распавёў аб прафілактыцы кіберзлачынстваў, адказнасці грамадзян за іх учыненне.
Тэмай выступлення дырэктара сацыяльна-педагагічнага цэнтра Ларысы Татарынавай была прафілактыка насілля ў адносінах да непаўналетніх.
Ад работнікаў малаказавода паступіла толькі адно пытанне, якое тычыцца дарожнай бяспекі.
Юрый ЯНУШКЕВІЧ.
Фота аўтара.
