«Гучы, наша родная мова!” - пад такой назвай праходзіў Дзень роднай мовы ў дзіцячым садзе №4.
Дзень роднай мовы прайшоў у дзіцячым садзе №4
Общество
21.02.2025
У гэты дзень дарослыя разам з дзецьмі прымалі ўдзел у розных мерапрыемствах: чытанне казак, вершаў, разгляд малюнкаў, удзельнічалі ў гульнях, накіраваных на папулярызацыю роднай мовы. Выхаванцы расказвалі вершы вядомых беларускіх паэтаў пра Беларусь, гучалі беларускія прыказкі і прымаўкі. Дзеці гулялі ў беларускія гульні: “Перакладчыкі”, “Скажы па беларуску”, “Дудка”. Свае веды выхаванцы прадэманстравалі ў віктарыне “Што вы ведаеце пра сваю Радзіму?”. Цікава прайшоў конкурс пад назвай “Адгадай казку”. Дзецям з малодшай групы паказалі беларускую народную казку “Курачка раба”.
Выхаванцам былі падараваны кнігі з апавяданнямі, казкамі на роднай мове.
Правядзенне Дня роднай мовы дае магчымасць нагадаць, што мы - беларусы, а наша родная мова - беларуская. Гэта тое невычэрпнае багацце, якое перадаецца з пакалення ў пакаленне і суправаджае нас усё жыццё.
Святлана Райбе, музычны кіраўнік,
Святлана Сенкевіч выхавацель дашкольнай адукацыі
ДУА “Дзіцячы сад №4 г. Смаргоні”
