З мэтай далучэння да здаровага ладу жыцця і ўмацавання фізічнага здароўя дзяцей у рознаўзроставай групе інтэграванага навучання і выхавання ў Асінаўшчызненскай пачатковай школе прайшоў фізкультурны вольны час “Сакрэты здароўя”.
У Асінаўшчызненскай пачатковай школе прайшоў фізкультурны вольны час “Сакрэты здароўя”
Общество
05.11.2024
Мерапрыемства пачалося з музычнай размінкі. У госці да дзяцей завітала Пандачка, якая абыякава ставілася да свайго здароўя. У ходзе дыдактычных гульняў і спартыўных эстафет выхаванцы дзяліліся сваімі сакрэтамі здароўя і далучалі госцю да здаровага ладу жыцця. Пандачка з захапленнем адклікнулася на прапанову дзяцей стаць членам адной з каманд.
Пры развітанні дзеці пажадалі зрабіць агульны фотаздымак. Менавіта ён адлюстроўвае пазітыўны і спартыўны настрой выхаванцаў, што сведчыць аб мэтазгоднасці выкарыстання актыўнага адпачынку для фарміравання асноў здаровага ладу жыцця.
Святлана Цыбоўская,
выхавальнік дашкольнай адукацыі Асінаўшчызненскай пачатковай школы
