Напярэдадні Дня Перамогі ў Асінаўшчызненскай пачатковай школе прайшоў урок памяці

У гісторыі кожнага народа ёсць даты, якія не забываюцца, колькі б часу ні прайшло. Так падкрэсліваецца значнасць тых падзей і асаблівыя адносіны людзей да іх. У рамках святочных мерапрыемстваў з нагоды    78-й гадавіны Вялікай Перамогі ў 4 класе Асінаўшчызненскай пачатковай школы прайшоў адзіны ўрок  “Нам гэты мір завешчана берагчы”.

Класны кіраўнік Наталля Паржон звярнула ўвагу на трагічныя старонкі вайны, звязаныя з нашым раёнам: жыццё людзей у акупацыі, мужная барацьба за вызваленне. Яна расказала аб тым, што на тэрыторыі Смаргоншчыны вядзецца следства па фактах генацыду мірнага насельніцтва.

Навучэнцы ўспомнілі пра гераізм непаўналетніх хлапчукоў і дзяўчынак, якія ваявалі нароўні з дарослымі ў дзеючай арміі і партызанскіх атрадах, удзельнічалі ў падпольных арганізацыях (Марат Казей, Валя Коцік, Зіна Партнова).

Хвілінай маўчання ўдзельнікі мерапрыемства ўшанавалі памяць усіх салдат – герояў вайны, якія ахвяравалі сваім жыццё, прыбліжалі Перамогу.

Падводзячы вынікі сустрэчы, навучэнцы разважалі, што ім, сучаснаму пакаленню, трэба добра ведаць і памятаць пра тыя жудасныя падзеі, каб быць удзячнымі за мірнае неба, магчымасць вучыцца, быць шчаслівымі ў незалежнай краіне, за прыклад бязмежнай любові да сваёй Айчыны.

У час адзінага ўрока

Паведамленне пра Марата Казея

Жанна Грышан,

намеснік дырэктара па вучэбна-выхаваўчай рабоце

 Асінаўшчызненскай пачатковай школы.