Дзяржаўнае свята – Дзень Канстытуцыі Рэспублікі Беларусь
Общество
17.03.2023
15 сакавіка – знамянальная падзея ў жыцці незалежнай Беларусі. У гэты дзень у 1994 годзе быў прыняты галоўны дакумент нашай краіны – Канстытуцыя Рэспублікі Беларусь, якая гарантуе нам свабоды і правы, неабходныя для стваральнай працы, дастойнага жыцця і гарманічнага, усебаковага развіцця асобы. З гэтай нагоды ў Крэўскай сярэдняй школе адбылася ўрачыстая лінейка.
Вучні 4 класа абмеркавалі Канстытуцыю Рэспублікі Беларусь.
Кіраўнік па ваенна-патрыятычным выхаванні адзначыў, што ў гэтым годзе свята своесаблівае, споўніўся год, як мы жывём па абноўленай Канстытуцыі. Вучні IX класа распавялі пра гісторыю стварэння Канстытуцыі Рэспублікі Беларусь. Дырэктар школы Таццяна Капыш уручыла вучням, якім споўнілася 14 гадоў, кнігі “Я − грамадзянін Рэспублікі Беларусь” з пажаданнямі ўзбагачаць родную Беларусь стваральнай працай, добрай вучобай, творчымі справамі. У класных калектывах прайшлі мерапрыемствы, прысвечаныя Дню Канстытуцыі Рэспублікі Беларусь. Вучні вялі размову пра дзяржаву, законы, правы і абавязкі грамадзяніна, сімволіку.
|
Навучэнцы, якім споўнілася 14 год, з падарункамі.
|
Урачысты момант лінейкі.
Міхаіл МІХАЛЬКЕВІЧ,
кіраўнік па ваенна-патрыятычным выхаванні Крэўскай СШ.