У Асінаўшчызненскай пачатковай школе прайшла інфармацыйная гадзіна ў форме ўрока памяці “Прайшла праз дзяцінства вайна”, прымеркаваная да Дня юнага героя-антыфашыста. Вучні пашырылі веды пра гераічнае мінулае свайго народа, пазнаёміліся з укладам, які ўнеслі дзеці ў перамогу над ворагам.
Прайшла праз дзяцінства вайна
Общество
10.02.2023
Мінута маўчання.
Навучэнцы падбіралі словы-асацыяцыі да слова вайна. Атрымаўся цэлы ланцужок: смерць, забойства, гора, слёзы, гібель, страх, зло, зверства, боль, пакуты… Дзеці даведаліся, што ў акупаванай фашыстамі Беларусі ў гады Вялікай Айчыннай вайны шмат хлопчыкаў і дзяўчынак, юнакоў і дзяўчат былі звязаны з партызанскімі атрадамі і падпольнымі арганізацыямі. Яны распаўсюджвалі лістоўкі, былі разведчыкамі ў баях, узрывалі масты, чыгункі, здабывалі ежу, зброю, абутак.
Вучні падрыхтавалі паведамленні пра Зіну Партнову, Марата Казея, Люсю Герасіменка. Кошт подзвігу гэтых піянераў-герояў, як і многіх іншых, аказаўся надзвычай высокім – пакутніцкая смерць ад рук ворага.
Паведамленне пра Марата Казея.
Са слязамі на вачах хлопчыкі і дзяўчынкі слухалі ўрывак з пісьма Каці Сусанінай, чыталі вершы Ю. Свіркі, П. Броўкі пра вайну.
У канцы інфармацыйнай гадзіны навучэнцы ўшанавалі памяць загінуўшых герояў хвілінай маўчання. Яны прыйшлі да высновы: неабходна цаніць тое, што мы жывём пад мірным небам, захоўваць памяць пра юных герояў, пра подзвігі нашых продкаў.
У час інфармацыйнай гадзіны.
Наталля Паржон,
настаўнік пачатковых класаў Асінаўшчызненскай пачатковай школы.
Подписывайтесь на наш Telegram-канал: https://t.me/SvetlyShliah , чтобы не пропустить самые актуальные новости!
