У парафіі Святога Міхала Арханёла адзначылі парафіяльнае свята
Общество
30.09.2020
У аўторак, 29 верасня смаргонскі касцёл сабраў вернікаў на парафіяльную ўрачыстасць св. Міхала Арханёла, св. Габрыэля і Рафала, арханёлаў.
Імя Міхал са стараяўрэйскай мовы перакладаецца як "хто ж як Бог". Да Святога Міхала людзі звяртаюцца з просьбамі аб абароне ад злых духаў.
Святую імшу, якая адбылася на палявым алтары, узначаліў дапаможны біскуп Мінска-Магілёўскай архідыяцэзіі Аляксандр Яшэўскі. Пасля сумеснай малітвы вернікі прайшліся Эўхарыстычнай працэсіяй вакол касцёла і атрымалі благаслаўленне біскупа.
Таццяна Чарняўская.
Фота аўтара.
