Ганаровай граматы Савета міністраў Рэспублікі Беларусь за шматгадовую плённую працу, дасягненне высокіх вытворчых паказчыкаў і асабісты ўклад у развіццё сельскагаспадарчай вытворчасці ўдастоены старшыня Смаргонскага райвыканкама Генадзь Харужык.
Старшыня райвыканкама Генадзь Харужык атрымаў Ганаровую грамату Савета міністраў Рэспублікі Беларусь
Общество
19.06.2020
Узнагарода доўга чакала свайго героя. Яе планавалася ўручыць яшчэ ў лютым падчас падвядзення абласных вынікаў работы ў сельскагаспадарчай галіне. Але з-за пандэміі каранавірусу мерапрыемства не адбылося.
Толькі 19 чэрвеня, падчас рабочай паездкі па паўночным рэгіёнах Гродзеншчыны першы намеснік старшыні Гродзенскага аблвыканкама Іван Жук, прывёз у Смаргонскі раён высокую ўзнагароду.
Іван Алейзавіч не хаваў радасці ад таго, што Смаргоншчына дынамічна развіваецца ў сацыяльна-эканамічным плане, а раённы цэнтр пасля правядзення абласнога свята “Дажынкі-2019” нашмат папрыгажэў. У гэтым вялікая заслуга і кіраўніка раёна.
- Атрымаць такую ўзнагароду – вельмі ганарова. Лічу, што гэта заслуга кожнага гараджаніна і жыхара Смаргонскага раёна. Мы добра папрацавалі і спыняцца на дасягнутым мы не збіраемся, - зазначыў старшыня райвыканкама Генадзь Харужык.
Галіна АНТОНАВА.
Фото аўтара.