Навучэнцы 8-11 класаў сярэдняй школы № 7 Смаргоні прынялі ўдзел у працы камунікацыйнай пляцоўкі «Школы актыўнага грамадзяніна», якая прайшла ў чацвер, 21 мая. Тэма дня – «Будучыню Радзімы будаваць маладым».
Быць актыўным грамадзянінам можна анлайн
Общество
25.05.2020
У рамках інфармацыйнай гадзіны першы сакратар ЦК БРСМ, член Савета Рэспублікі Нацыянальнага сходу Дзмітрый Варанюк з 14.00 да 15.00 у афіцыйным пабліку саюза моладзі ў Instagram распавёў аб моладзевай палітыцы і маладзёжным руху ў Рэспубліцы Беларусь на сучасным этапе.
Падчас гадзіннага стрыма навучэнцы, якія знаходзіліся ў школе, а таксама тыя, хто займаецца дыстанцыйна, мелі магчымасць не толькі слухаць, але і задаваць пытанні выступоўцу.
Нават ва ўмовах пандэміі магчымасць быць у курсе рэалізацыі маладзёжнай палітыкі і заставацца актыўным грамадзянінам сваёй краіны аказалася даступнай кожнаму старшакласніку.
Марыя Говіч,
настаўніца рускай мовы і літаратуры
сярэдняй школы № 7 г. Смаргоні