Дарагія сябры!
Сёння фізічная культура і спорт з’яўляюцца адным са стратэгічных напрамкаў дзяржаўнай і рэгіянальнай палітыкі. Смаргоншчына багатая выдатнымі людзьмі, якія прысвяцілі сваё жыццё спорту і перадаюць гэтую адданасць дзецям і ўнукам. Многія нашы землякі з’яўляюцца актыўнымі прыхільнікамі заняткаў фізічнай культурай і здаровага ладу жыцця.
Гэтае свята аб’ядноўвае пад сваімі сцягамі людзей розных узростаў, прафесій і інтарэсаў - усіх, чыё жыццё звязана са спортам, фізкультурай.
Фізічная культура і спорт з’яўляюцца важным фактарам у выхаванні маладога пакалення, за якім наша будучыня і слаўныя перамогі. Добрая фізічная падрыхтоўка, пазітыўнае мысленне, здаровы лад жыцця кожнага з нас - гэта ўклад у будучыню нацыі.
У гэты дзень асабліва хочацца адзначыць тых, хто захапляе нас сваім майстэрствам, сілай волі, упартасцю, імкненнем да пастаўленай мэты і прыгожымі перамогамі.
Жадаем усім здароўя, сілы волі і новых перамог!
Раённы выканаўчы камітэт.
Раённы Савет дэпутатаў.
Раённае аб’яднанне прафсаюзаў.
Раённы савет ветэранаў.
