Святочнае мерапрыемства, прысвечанае Дню Дзяржаўнага герба і Дзяржаўнага сцяга Рэспублікі Беларусь прайшло ў Смаргоні

Дзяржаўны гімн і Дзяржаўны сцяг – асноўныя атрыбуты дзяржаўнасці, якія адлюстроўваюць усю самабытнасць, культуру, традыцыі нашага народа.

Кожны год у гэты час па ўсёй краіне ўздымаюцца сцягі як сімвалы незалежнасці і суверэнітэту.

Ганаровае права падняць Дзяржаўны сцяг Рэспублікі Беларусь прадстаўляецца кіраўнікам арганізацый, якія дасягнулі лепшых вынікаў у выкананні асноўных паказчыкаў сацыяльна-эканамічнага развіцця нашага раёна – дырэктару РУП “ЖКГ” Міхаілу Найдзічу і старшыні Каранёўскага сельсавета Святлана Гаспадарова.

Са словамі віншавання да прысутных звярнуўся старшыня раённага Савета дэпутатаў Сяргей Кудзеньчук:

Дзяржаўны сцяг Рэспублікі Беларусь – неад’емная частка нашага мінулага і сучаснага. Чырвоная паласа на ім - адлюстраванне мужнасці народа, які крывёй адстаяў сваю свабоду. Зялёная – колер жыцця і надзеі, колер нашых лясоў, лугоў і палёў, сведчанне мірнага і працавітага характару беларусаў. Белая паласа – сімвал нашай чысціні і высокай духоўнасці. Паважаць свае герб і сцяг – абавязак і справа гонару кожнага беларуса. 

Няхай гэтыя нацыянальныя каштоўнасці асвятляюць самыя важныя падзеі нашага жыцця, напаўняючы сэрцы высокімі пачуццямі любові да Айчыны і адказнасці за яе лёс.

Лагічным прадаўжэннем выступлення сталі словы вядучай Вікторыі Камінскай:

Няхай гэта свята яшчэ мацней аб’яднае ўсіх нас, умацуе высокае пачуццё асабістай адказнасці кожнага грамадзяніна за краіну і гатоўнасці самааддана працаваць дзеля росквіту Радзімы.  

Галіна АНТОНАВА.

Фота аўтара.