Аўтобусы для вучняў
Общество
08.12.2019
Нядаўна ўпраўленне адукацыі райвыканкама атрымала два новыя аўтобусы для падвозу вучняў. Адзін з іх быў размеркаваны ў СШ №3, другі – у Сольскую сярэднюю школу.
Увогуле, вучняў дастаўляюць на вучэбныя заняткі 12 школьных аўтобусаў. У асноўным – у сельскай мясцовасці. Ёсць мікрааўтобус у сацыяльна-педагагічным цэнтры, які падвозіць у гэту ўстанову дзяцей.
Школьныя аўтобусы замацаваны за Крэўскай, Сольскай, Вішнеўскай, Сінькоўскай, Сыраваткінскай, Жодзішкаўскай агульнаадукацыйнымі ўстановамі. Падвоз ажыццяўляецца з навакольных вёсак. Вучняў суправаджаюць ў аўтобусе педагогі.
Школьныя аўтобусы рэгулярна праходзяць тэхнічны агляд. Самы стары аўтобус 2013 года выпуску.
Юрый ЯНУШКЕВІЧ.
Фота Таццяны ЧАРНЯЎСКАЙ.