Хуткія і імклівыя, жывыя і запальныя. Побытавыя танцы. Іх танцуюць жыхары жодзішкаўскай старонкі на працягу многіх дзесяцігоддзяў. І вось ужо ў шосты раз, штогод, яны збіраюцца на брэндавае свята ў “Жодзішкаўскі карагод”. Зусім маленькія танцоры і школьнага ўзросту, сямейныя пары і нават пажылыя людзі. Пад музыку адбываецца неверагоднае яднанне. Гукі танцавальнай музыкі, якія ліліся з пляцоўкі, што месцілася каля Жодзішкаўскага Дома культуры, запаўнялі літаральна ўвесь аграгарадок.
Такія родныя народныя. Усе разам - у "Жодзішкаўскім карагодзе"
Культура
16.06.2024
Сімвалам “Жодзішкаўскага карагода” па-традыцыі стаў… чароўны чаравік. Як адзначылі вядучыя свята, яго пакінулі знакамітыя беларускія танцоры-аматары для сваіх нашчадкаў. На працягу шасці гадоў ён крочыць разам з артыстамі і распачынае свята.
Уступіўшы ў чаравік, старшыня Жодзішкаўскага сельсавета Вольга Гаспадарчук і танцоры Рогачы, самы юны і сталы, дзядуля і ўнук, аб’явілі пра пачатак свята.
Работнікі Жодзішкаўскага ДК для танцораў падрыхтавалі падарункі. Падвялі і вынікі традыцыйнага конкурсу “Лепшы танцавальны чаравік”.
Танцы "Мальвіна", "Карапет", "Грачанікі", "Вішанька", "Месяц"... Паўзы паміж танцамі запаўнялі артысты з Крэўскага і Бялкоўшчынскага ДК, а таксама ўзорны фальклорны калектыў "Нальшчаначка" і народны калектыў "Вечарынка" з Жодзішкаў.
Галіна АНТОНАВА
Фота аўтара
