Пасля адкрыцця новага турыстычнага аб,екта ўдзельнікаў свята запрасілі на канцэрт-прытчу «Чатыры стыхіі» артыстаў філармоніі для дзяцей і юнацтва Беларускай дзяржаўнай філармоніі. Гэта аўтарскі праект рэжысёра-пастаноўшчыка Таццяны Мажор.
Канцэрт-прытча, праменад па сядзібе, пачастункі ля кітайскай альтанкі і танец з Мядзведзем - у Залессі праходзіць "Ноч музеяў"
Культура
18.05.2024
Жывая музыка, цудоўныя галасы салістаў, вядомыя класічныя творы - цудоўны падарунак для тых, хто цэніць сапраўднае мастацтва.
Пасля канцэрта ўсе жадаючыя мелі магчымасць ажыццявіць вячэрні праменад па палацы Міхала Клеафаса Агінскага. Для наведвальнікаў была арганізавана экскурсія.
А потым гасцей запрасілі на вуліцу, да кітайскай альтанкі. Тут можна было пачаставацца гарбатай і пірагом.
Калі сонца ўсё больш хілілася за гарызонт, госці перайшлі да альтанкі Амеліі. Тут было арганізавана невялікае тэатралізаванае прадстаўленне, галоўнымі героямі якога сталі Амелія і яе муж Караль.
