Выстава народных майстроў Беларусі па лозапляценні Аляксандра і Людмілы Мускіх “Да вытокаў старадаўняга рамяства” працуе ў раённым Доме рамёстваў.
“Да вытокаў старадаўняга рамяства”. У раённым Доме рамёстваў працуе выстава
Культура
24.04.2024
Гэтыя людзі – гонар Смаргоншчыны. Пастаянна ўдзельнічаюць у гарадскіх і абласных мерапрыемствах, кірмашах, фестывалях, выставах, дзе прадстаўляюць публіцы свае вырабы. З’яўляюцца дыпламатамі рэспубліканскіх і міжнародных конкурсаў.
Адметнай рысай работ смаргонскіх майстроў з’яўляецца элемент – акаймоўка касічкай. Такія шэдэўры з лазы карыстаюцца попытам, бо ўсе яны натуральныя.
На адкрыцці выставы прысутнічалі навучэнцы Залескай школы, якія сталі актыўнымі ўдзельнікамі майстар-класа па пляценні кошыкаў. Хлопчыкі і дзяўчаты з асаблівай цікавасцю ўзяліся за справу. Таксама на адкрыцці выставы прысутнічала госця з Расіі, якая таксама з энтузіязмам далучылася да майстар-класа.
Усіх жадаючых, хто цікавіцца народнымі традыцыямі, запрашаем наведаць выставу “Да вытокаў старадаўняга рамяства”, якая будзе працаваць да 3 мая. Уваход вольны.
Ілона Смагур,
загадчык сектара рэкламы і менеджменту раённага цэнтра культуры
