Дыван, дыванок, упрыгож наш куток
Сёлета, улічваючы у́зрост выхаванцау́, а ім толькі 3-4 гады, бацькі разам з выхавальнікам стварылі прадметнае асяроддзе для хаткі лялек, каб паказваць дзецям побыт нашых продкау́ беларусау́. Адметнасцю у́нутранага у́бранства хаткі сталі маляваны дыван, зроблены па у́зору маляванак Ніны Бохан, і вязаныя шыдэлкам дыван і ходнік.
Акрамя таго, у гардэробе групы стварылі сапрау́дную мастацкую выставу малюнкау́ маляваных дываноу́ Ніны Бохан. Бацькі і дзеці пазнаеміліся з працамі мастачкі, якая некаторы час жыла і працавала на Смаргоншчыне, і павінна заняць свае пачэснае месца сярод славутых людзей рэгіёна. Малюнкі дываноу́ стварыла маці аднаго з выхаванцау́ нашай групы, а да кожнага малюнка прыдумалі казачныя гісторыі, якія адлюстроу́ваюць светапогляд нашых продкау́ беларусау́, іх філасофію жыцця. Усе гісторыі надрукавалі у́ невялікую кнігу з прыгожымі карцінкамі. Пры складанні тэматычных казак- гісторый улічвау́ся слоу́нікавы і паняційны запас маленькіх слухачоу́. А, каб замацаваць пачутае і у́бачанае, з копіяу́ маляванак для дзяцей зрабілі гульнявыя пазлы. Трэба сказать, што малыя і самі з задавальненнем спрабавалі зрабіць маляваныя дыванкі для любімых мамачак з дапамогай штампікау́ купленых у краме.
Святкаванне Дня роднай мовы для нашай групы стала цудоу́най нагодай не толькі у́шанаваць беларускую мову, але і культуру сваёй малой радзімы, а таксама бліжэй пазнаеміцца з мастацтвам Ніны Бохан.
Ау́тар тэксту і фотаздымкау́ Эдзіта Бранцэвіч, выхавальнік дашкольнай адукацыі "Ясляу́-саду N8 г. Смаргоні".
