Вакцынацыя ад вірусу COVID-19
Здравоохранение
22.01.2021
Міністэрства аховы здароўя Беларусі абвясціла пра пачатак вакцынацыі насельніцтва нашай краіны расійскай вакцынай “Спутнік V”. Першая партыя вакцыны прыбыла ў Беларусь.
Як паведаміў галоўны ўрач Смаргонскай раённай бальніцы Віталь Круповіч, з наступнага тыдня ў нашым раёне пачнецца вакцынацыя ад вірусу COVID-19 груп насельніцтва найбольшай рызыкі. Для прышчэпак ад каранавірусу будзе выкарыстоўвацца расійская вакцына “Спутнік V”.
Для транспарціроўкі, захавання і кантролю за тэмпературным рэжымам вакцыны закуплена спецыяльнае абсталяванне. Першымі вакцынацыю пройдуць медыцынскія работнікі, затым работнікі сферы адукацыі.
Ала СТРАШЫНСКАЯ.
