Сольскі Дом культуры прыняў ўдзел у аглядзе-конкурсе “Распахнем акенца творчасці”
Сваю “хвіліну славы” атрымалі мясцовая “зорачка” Варвара Какауліна, удзельнікі дзіцячага вакальнага гуртка, Дзмітрый Станкевіч і іншыя выступоўцы. Некаторыя людзі ў зале не стрымлівалі слёз, калі Аляксандр Хвастэнка выконваў песню “Дзень Перамогі”.
Арганічна ў святочную праграму ўпісалася выступленне ўдзельнікаў клуба аматараў хрысціянскай песні. Публіцы яны прадставілі дзве песні “Да цябе хілюся, Божа” і “Малітва за Беларусь”. Галоўны спецыяліст аддзела культуры райвыканкама Марыя Клуйша, расказала, што ў раёне плануецца правесці фестываль хрысціянскіх спеваў і выказала надзею, што сольскі хор таксама прыме ўдзел у гэтым мерапрыемстве.