Все новости

Пачалося ўсё з гадзіны роднай мовы “Шчырая, лагодная мова наша родная”. Асабліва актыўна ўдзельнічалі гімназісты ў літаратурна-музычных кампазіцыях, гасцёўнях: 6-7 класы – “Жывая спадчына”, 9 класы – “Смаргоншчына паэтычная”,  а вучні 10-х класаў закранулі далікатную тэму – “Пачынаецца ўсё з любві”. КВЗ падрыхтавалі вучні 6-х класаў.

Сапраўдныя спаборніцтвы арганізавалі вучні старэйшых класаў для сваіх падшэфных.   Конкурсныя праграмы, турніры: сямікласнікі працавалі з пятымі класамі, 10-класнікі – з 5-6 класамі. Васьмікласнікі спаборнічалі ў “Этнаграфічным турніры”. А вось адзінаццацікласнікі сустрэліся з сапраўднай паэткай Алай Клемянок.

Дзякуючы сумеснай дзейнасці настаўнікаў роднай мовы і вучняў, якім неабыякавы лёс мовы, якія разумеюць значэнне духоўнай спадчыны, сваёй адказнасці, мерапрыемствы прынеслі свой плён.

Лілія БУКЛІС, настаўнік беларускай мовы і літаратуры гімназіі.