Віншаванне мясцовай улады з Новым годам

Сёння кожны з нас успамінае самыя яркія моманты мінулага года, асэнсоўвае нашы ўражанні, настройвае сябе на лепшае. Заўсёды хочацца прадказаць, якім будзе будучы год. Адыходзячы год хутка ўвойдзе ў гісторыю. У ім былі як радасныя, так і сумныя моманты, з якіх складаецца жыццё кожнага чалавека.

Мінулы год быў для Смаргоншчыны годам напружанай працавітасці і вялікіх дасягненняў. У будучым годзе у нас шмат планаў і праектаў, якія трэба рэалізаваць. Для дасягнення гэтых мэтаў спатрэбіцца энергія, мэтанакіраванасць і самаадданасць, якія паслужаць гарантыяй таго, што плануецца – усё здзейсніцца.

Мы сустракаем новы год з верай у дабро, з надзеяй на новыя дасягненні. Няхай вашы прыхільнасць і працавітасць стануць асновай да руху наперад, дапамогуць дасягнуць пастаўленых мэт і здзейсніць мары.

Упэўнены, што новы, 2020 год прынясе нам больш пазітыву і наблізіць да выканання самых запаветных жаданняў.

Жадаем дабрабыту, здзяйснення добрых жаданняў, моцнага здароўя, аптымізму і ўдачы. З Новым годам!

Раённы выканаўчы камітэт. Раённы Савет дэпутатаў.

Раённае аб’яднанне прафсаюзаў. Раённы савет ветэранаў.