Аб традыцыях, злачынствах і дарожных работах
Аб традыцыях суверэннай Беларусі расказала галоўны спецыяліст аддзела ідэалагічнай работы і па справах моладзі райвыканкама Аліна Ясюкайціс.
Працяглым было выступленне першага намесніка начальніка райаддзела міліцыі Івана Руткоўскага. Ён паведаміў аб злачынствах, якія ўчыняюцца ў сацыяльных сетках, у дачыненні да карыстальнікаў банкаўскіх пластыкавых картак, заезджымі “гастралёрамі”, якія падманным шляхам крадуць у жыхароў населеных пунктаў грошы, каштоўныя рэчы.
Начальнік аддзела архітэктуры і будаўніцтва Дзяніс Крыштопенка коратка праінфармаваў працоўны калектыў гігіенічнай службы аб дарожна-будаўнічых работах, якія выконваюцца ў розных мікрараёнах горада.
Энергаэфектыўным дамам прысвяціў сваё выступленне галоўны інжынер ЖРЭСа Іван Старавойтаў.
На пытанні, якія тычацца жыллёва-камунальнай гаспадаркі, адказаў намеснік дырэктара РУП “ЖКГ” Ігар Стрэльчанка.
Юрый ЯНУШКЕВІЧ.
Фота аўтара.
